REGINELLA
Te si' fatta 'na vesta scullata,
nu cappiello cu 'e nastre e cu 'e rose...
Stive 'nmiezzo a tre o quattro sciantose,
e parlave francese... è accussì?
Fuie l'atriere ca t'aggio 'ncuntrata?
Fuie l'atriere, a Tuleto, gnorsì...
T'aggio voluto bene a te...
Tu m'è voluto bene a me!
Mo nun 'nce amammo cchiù,
ma, 'e vvote, tu,
distrattamente,
'pienze a me!
Reginé, quanno stive cu mmico
nun magnave ca pane e cerase:
nuie campavamo 'e vase! -- e che vase --
tu cantave e chiagnive pe' me...
E 'o cardillo cantava cu ttico:
"Reginella 'o vo bene a 'stu Re".
T'aggio voluto bene a te...
Tu m'è voluto bene a me!
Mo nun 'nce amammo cchiù,
ma, 'e vvote, tu
distrattamente,
pienze a me!
Oi cardillo, a chi aspiette stasera?
Nun 'o vide? aggio aperta 'a caiola,
Reginella è vulata, e tu, vola!
Vola e canta, nun chiagnere cca!
T'è 'à truvà 'na padrona sincera,
ca è cchiù degna 'e sentirte 'e cantà.
T'aggio voluto bene a te...
Tu m'è voluto bene a me!
Mo nun 'nce amammo cchiù,
ma, 'e vvote, tu,
distrattamente
pienze a me!
Strumenti 
